MANANATILI pa rin o status quo muna ang emergency use authorization o EUA na ipinagkaloob ng Food and Drug Administration (FDA) ng Filipinas sa pharmaceutical giant na Pfizer-BioNTech, kasunod ng naglabasang ulat na may 29 na senior citizen sa Norway ang namatay matapos na maturukan ng anti-COVID-19 vaccine nito.
Ipinaliwanag ni Health Undersecretary at Spokesperson Maria Rosario Vergeire na sa ngayon ay wala pang supisyente o sapat na ebidensya hinggil sa nangyari sa Norway.
Ayon kay Vergeire, batay na rin mismo sa naturang artikulo mula sa Norway ay pinag-aaralan pa ng kanilang pamahalaan ang nangyari.
Aniya pa, nakasaad sa ulat na ibibigay ang bakuna sa mga critically-ill habang naiulat din ang pagkamatay ng 400 na tao mula sa naturang sektor o hanay ng mga nakatatanda.
Ani Vergeire, sinasabi ng Norwegian authorities na maaaring nagkataon lamang ang nangyari.
Gayunman, hindi pa aniya sarado ang isyu at mismong ang pamahalaan ng Norway ang nais na mag-imbestiga pa rito.
Tiniyak naman ni Vergeire na pag-aaralan din ng FDA ang naturang usapin at pinagsusumite ang Pfizer ng report ukol sa nangyari.
Matapos aniya ang ebalwasyon ay dito magpapasya ang FDA hinggil sa EUA ng Pfizer. ANA ROSARIO HERNANDEZ
Related posts:
FDA, PINAPASPASAN NA ANG EUA PARA SA SPUTNIK V
COVID-19 VACCINE DAPAT DUMAAN SA REGISTRATION PROCESS-FDA
Bakunang Covaxin mula sa India, nagkamit ng Conditional EUA mula sa FDA
EUA NG 2 BAKUNA APRUB SA FDA
WALANG FAVORITISM SA PAMAMAHAGI NG PFIZER
BUMIBILI NG GAMOT ONLINE BINALAAN NG FDA
APLIKASYON NG VACCINES PARA SA BOOSTER SHOTS NASA FDA NA
FOOD AND DRUG ADMINISTRATION’S (FDA) COMMITMENT TO PUBLIC HEALTH PROTECTION AND ESTABLISHMENT OF TECHNICAL WORKING GROUP (TWG) “OPLAN KATHAROS”
Comments are closed.