TAGBILARAN CITY – NASAKOTE ng mga operatiba ng Bohol Anti-Narcotics sa isinagawang buy-bust ang isang ex-convict kasabay ng pagkakasamsam ng tinatayang P14.6 milyon halaga ng shabu kamakalawa sa lalawigang ito.
Ayon kay Bohol Provincial Intelligence Unit Chief Col. Lorenzo Batuan, ang naaresto ay kinilalang si Guardson Abila Binara ng Poblacion III, Tagbilaran City.
Nabatid na kakalaya lamang kamakailan ng suspek makaraang makapagpiyansa sa kasong pag-iingat ng baril at ilegal na droga nang maaresto noong 2016.
At nitong kamakalawa, muling nasakote si Binarao sa Purok 5, Barangay Mayacabac sa bayan ng Dauis kung saan nakumpiskahan ng kabuuang 2.15 kilo ng shabu na nagkakahalaga ng P14.6 milyon.
Nahaharap ulit ngayon si Binarao sa kasong droga.EVELYN GARCIA
