MASBATE- NASAKOTE sa inilunsad na manhunt operation ng mga tauhan ng PNP-Police Regional Office 5 ang isang dating kagawad ng PNP at kasabwat nito sa kasong pagpatay sa lalawigang ito.
Sa report na isinumite kay PNP-PRO5 Regional Director Jonnel C Estomo ng Masbate Police Provincial Office, kinilala ang mga nadakip nasina Alen Cabarles y Ignacio alyas “Bebot”, 34-anyos, tinaguriang rank 1 MMWP at si Val Azotea Y Alvarado, 45-anyos, dating pulis na itinuturing ng rank 4 MMWP ng bayan ng Dimasalang, Masbate.
Ang dalawa ay natunton at dinampot ng mga operatiba ng Masbate PPO sa kanilang pinagtataguan sa Brgy. Poblacion, Baleno ng nasabing lalawigan sa bisa ng warrant of arrest na ipinalabas ni Hon. Igmedio Emilio F. Camposano, Executive Judge RTC BR 49, Cataingan, Masbate noong Mayo 27, 2020 para sa kasong Murder sa ilalim ng Criminal Case No. 3372-19 at walang piyansang inirekomenda.
Nadakip ang mga suspek sa tulong at kooperasyon ng komunidad. Ang pakikipagtulungan ng publiko sa kapulisan ay isang indikasyon sa pagnanais nitong mapigilan ang kriminalidad sa buong rehiyon.
“Ang PNP at bawat Bicolano ay iisa sa hangarin nitong mas gawing payapa ang ating pamayanan. Sa mga susunod na araw makakaasa kayo na mas pagbubutihin pa ng inyong kasurog cops ang pagbibigay ng de kalibreng serbisyo para sa lahat ”, ani Estomo. VERLIN RUIZ
599360 280011Hey there, I believe your weblog may well be having browser compatibility issues. When I look at your web site in Safari, it looks fine but when opening in Internet Explorer, it has some overlapping. I just wanted to give you a quick heads up! Other then that, superb blog! 400532