ISABELA – NASAKOTE ang isang dating miyembro pulis sa buy-bust operation ng PNP-San Mateo.
Kinilala ni P/Mayor Jeffery Raposas, hepe ng San Mateo Police Station, ang suspek na AWOL (absent without official leave) na pulis na si Thon Vincent Pulangco, 26, ng Bacarreña, dating nakatalaga sa National Capital Region (NCR).
Narekober sa dating pulis ang 4pakete ng sigarilyo na naglalaman ng mga pinatuyong dahon ng marijuana, dalawang pakete ng hinihinalang shabu at iba pang drug paraphernalia.
Naisampa na ang kaukulang kaso laban sa nasabing suspek na sangkot umano sa pagbebenta ng droga na nadakip sa operasyon ng awtoridad sa Isabela.
Pinapurihan naman ng Police Regional Office (PRO-2) ang PNP ang San Mateo sa pagkakahuli sa dating pulis na unang pumasok sa PNP noong 2015. IRENE GONZALES
Comments are closed.