CAMARINES SUR – NAPALITAN ng pagluluksa ang masaya sanang outing nang masawi ang lima katao habang tinatayang nasa 10 iba pa ang sugatan sa banggaan ng isang pampasaherong jeep at truck sa Brgy. Bikal, Libmanan.
Sa ulat na nakarating sa PNP Highway patrol Group mula sa Libmanan PNP, nawalan ng control ang pampasaherong jeep at nasakop nito ang kabilang lane ng national highway na naging dahilan para makasalpukan nito ang kasalubong na truck.
Sa inisyal na impormasyon ibinahagi ni Staff Sgt. Emy Rose Organis, ay napag-alaman galing sa outing ang mga biktima at pauwi na sana sa bayan ng Lupi nang maganap ang sakuna.
Patay sa sakuna ang limang tao kabilang ang driver ng jeep habang may sampu pa ang isinugod sa pagamutan.
Lumilitaw sa imbestigasyon na nakainom ng alak ang driver ng naturang jeep. VERLIN RUIZ
Comments are closed.