EXTENSION NG BISA NG BAYANIHAN 2 LUSOT NA SA HOUSE PANEL

PILIPINO Mirror
BAYANIHAN 2

MABILIS na pinagtibay ng House Committee on Appropriations ang substitute bill na layong palawigin ang validity o bisa ng appropriations provision ng Bayanihan 2.

Inaamyendahan ng unnumbered substitute bill ang ilang probisyon ng RA 11494 o ang Bayanihan to Recover as One Act, partikular sa natitira o available pang pondo sa ilalim nito.

Napagkasunduan ng komite na palawigin hanggang June 30, 2021 ang bisa ng Bayanihan 2 mula sa orihinal na effectivity nito na hanggang December 19, 2020 lamang.

Nais ng Kamara na matiyak na tuloy-tuloy pa rin ang pagpapaabot ng kinakailangang tulong para sa mga sektor na lubhang naapektuhan ng COVID-19 pandemic.

Nilinaw naman ni Appropriations Vice Chairman Ruwel Peter Gonzaga na tanging ang unused funds lamang ang palalawigin ng panukalang batas at hindi kasama ang emergency powers ng Pangulong Duterte.

Sa susunod na linggo ay inaasahang maisasalang na ito sa plenaryo at pagtitibayin bago ang Christmas break ng Kongreso.

Inirerekomenda naman ng Department of Budget and Management (DBM) kay Pangulong Duterte na sertipikahang urgent ang nasabing panukala.       CONDE BATAC

Related posts:

Rufus Rodriguez90-DAY LOAN PAYMENT MORATORIUM IGINIIT SA BAYANIHAN 2 TATAK PINOYAYUDA SA CONSUMERS, EMPLOYEES AT BUSINESSES NAKAPALOOB SA BAYANIHAN 2 TATAK PINOYCOVID-19 FUNDS ILABAS NA;  BATAS NG BAYANIHAN 2 MAGPAPASO NA SA DISYEMBRE 19 SENADOEXTENSION NG VALIDITY NG 2020 BUDGET, BAYANIHAN 2 APRUB NA SA SENADO REP SHARON GARINHOUSE PROBE SA PONDO SA BAYANIHAN 2 BAYANIHAN 2 MAGPAPASO NA, PERO OBLIGASYON NITO KUWESTIYONABLE PA; BAYANIHAN 3 GUMAGALAW NA SA KAMARA KAMARA-5(Aprub na sa House panel) EXTENSION PA NG VALIDITY NG BAYANIHAN 2 Risa Hontiveros(Mapapaso na sa Hunyo 30) DISBURSEMENT NG BAYANIHAN 2 BILISAN

Comments are closed.