EXTENSION NG VOTER REGISTRATION APRUB

APRUBADO na ng Senado at Kamara  ang panukala para sa pagpapalawig sa   voter registration period na dapat sana ay  matatapos sa Setyembre 30.

Ang Senate Bill 2408 at House Bill 10261 ay inaprubahan ng lahat ng senador  habang mga botong 193-0-0 sa lower House, sa gitna ng mga panawagan para sa  registration extension.

Layon ng panukala ng Senado na palawigin ng hanggang Oktubre 31 ang pagpapatala ng mga botante habang ang bersiyon ng Kamara ay pagpapalawig naman ng 30 araw matapos maipasa o maisabatas ito.

Kung walang mga makabuluhang pagkakaiba sa pagitan ng mga bersiyon ng Kamara at Senado, maaari itong maipadala sa Pangulo para sa pirma para sa  pagpapalawak ng  isang buwan pa sa voter registration.

Binigyang diin ni Senate Majority Leader Miguel Zubiri, isa sa  principal authors, na mahalaga ang pagsasabatas nito para sa halalan sa susunod na taon dahil may   12 milyon pang botante  ay hindi pa rehistrado dahil sa lockdown.

Pinuri naman ni Speaker Lord Allan Velasco ang pagkakapasa ng panukala na itinuturing na “a major step to prevent voter disenfranchisement.”

“We hope the Comelec will use the one-month extension to ramp up voter registration and ensure that more people can vote next year because we cannot afford to disenfranchise voters,” dagdag ni Velasco.

Related posts:

VOTER REGISTRATION APEKTADO NG ECQ VOTER REGISTRATION HINILING NA PALAWIGIN EXTENSION NG VOTER REGISTRATION HINILING MAKABAYAN BLOC HINILING DIN ANG EXTENSION NG VOTER REGISTRATION VOTER REGISTRATION I-EXTEND HANGGANG OKTUBRE 31 (Sa voter registration) WALA NANG EXTENSION – COMELEC VOTER REGISTRATION SA MECQ PINAYAGAN VOTER REGISTRATION SA MGA MALL DINAGSA