IGINIIT ni Senator Christopher ‘Bong’ Go na hindi dapat payagan ng Department of Education ang face-to-face classes sa pagsisimula ng school year sa Agosto 24 hangga’t walang bakuna laban sa COVID-19.
Sinabi ni Go na totoong mahalagang makapag-aral ang mga bata, pero may mga paraan na hindi dapat ma-expose sa sakit ang mga ito.
Kaugnay nito ay muling hinikayat ni Go ang DepEd na gumamit ng ibang paraan ng learning para matiyak na masusunod ang physical distancing at health and safety protocols.
Ayon kay Go, hindi dapat ma-pressure ang mga bata na pumasok sa eskuwelahan kahit may banta sa kanilang kalusugan.
Hinimok din ni Go ang DepEd na gabayan ang mga bata sa bagong mode of learning kung saan maraming estudyante ang walang laptop at internet access para masiguro na maging pantay ang oportunidad sa mga ito.
Una nang pinuri ni Go ang paglagda ni Pangulong Rodrigo Duterte ng Republic Act no 11480 na nag-aamyenda sa section 3 ng RA no. 7797 o mas kilalang An Act of Lengthen the School Calendar na mula sa 200 days pero hindi lalampas ng 220 class days. LIZA SORIANO
Related posts:
LIMITADONG FACE TO FACE CLASSES SA MGA LUGAR NA ZERO COVID
FACE-TO-FACE CLASSES, EXAMS BAWAL
FACE TO FACE CLASSES PINAG-AARALAN
(Kapag iniutos ni Duterte) FACE-TO-FACE CLASSES PAPAYAGAN
FACE-TO-FACE CLASSES KINANSELA
PAGKANSELA SA PILOT FACE-TO-FACE CLASSES SUPORTADO NI BONG GO
PANEL OF EXPERT PARA SA FACE TO FACE CLASSES
(Tinabla ni PRRD) LIMITADONG FACE TO FACE CLASSES
Comments are closed.