INARESTO ng mga tauhan ng Bureau of Immigration (BI) sa Ninoy Aquino International Airport (NAIA) terminal 1 ang isang Japanese national dahil sa counterfeit Special Resident Retiree’s Visa (SRRV).
Kinilala ang suspek na si Yoshiaki Nakamura, 64 anyos, at naharang Ito nitong nakalipas na araw bago makasakay sa kanyang Philippine Airlines flight papuntang Osaka, Japan.
Ayon sa report, nadiskubre ang pekeng SRRV ni Nakamura matapos ang isinagawang secondary at validation ng forensic laboratory inspection.
Dinala ito sa BI detention center facility sa Taguig City dahil sa paglabag sa immigration laws. FROILAN MORALLOS