PINAG-IINGAT ng Food and Drug Administration (FDA) ang publiko laban sa pagbili ng ilang ispesipikong produkto ng Belgian beer na Stella Artois bunsod ng posibilidad na nagtataglay ito ng mga bubog o maliliit na bahagi ng bote.
Batay sa FDA Advisory 2018-169, partikular na tinukoy nito ang ilang batch ng 330-milliliter bottles ng Stella Artois beer, na una nang ipinabawi ng manufacturer nito at ng local distributor na Booze On-Line Inc.
Ayon sa FDA, ang mga ipinababawi lamang din ay yaong mga produktong may best before stamps na Abril 25 at 26; Hunyo 3, at Setyembre 15 at 16.
Nabatid na wala pa rin namang consumer na nagreklamo laban sa produkto, ngunit nagpasya na ang manufacturer na ipa-recall ito para matiyak ang kaligtasan ng publiko.
“The recall involves only the above identified codes and no other Stella Artois beer distributed in the Philippines are affected,” paglilinaw naman ng FDA. ANA ROSARIO HERNANDEZ
Related posts:
FDA IPINAKUKUMPISKA ANG COSMIC CARABAO GIN
FDA MAY BABALA LABAN SA ILANG BRAND NG SLIMMING COFFEE
ILANG PAMPALASA NG PAGKAIN ‘DI REHISTRADO – FDA
FDA NAGBABALA LABAN SA MGA PRODUKTONG ‘DI REHISTRADO
FDA NAGBABALA LABAN SA 12 ‘DI REHISTRADONG FOOD SUPPLEMENTS
FDA NAKAANTABAY KUNG AALISIN SA MERKADO ANG PORK MEAT
FDA NAGBABALA LABAN SA ILANG PRODUKTONG PAGKAIN NA ‘DI REHISTRADO
FDA BINALAAN ANG PUBLIKO LABAN SA ‘HEALING OIL’ NA ‘DI REHISTRADO
Comments are closed.