Standings: FEU 15 pts., Ateneo 13, DLSU 13, UST 11, NU 10, UP 10, AdU 8, UE 8.
Mga laro ngayon:
(FEU-Diliman)
9 a.m. – AdU vs Ateneo (Men)
1:30 p.m. – UST vs FEU (Men)
3:30 p.m. – DLSU vs UP (Men)
SISIKAPIN ng Far Eastern University na maibalik ang kanilang winning ways sa pakikipagtipan sa University of Santo Tomas sa UAAP Season 81 men’s football tournament ngayon sa FEU-Diliman pitch.
Nakatakda ang kick-off sa ala-1:30 ng hapon.
Sa iba pang laro ay makakasagupa ng Ateneo ang mapanganib na Adamson University sa alas-9 ng umaga, habang makaka-harap ng De La Salle ang defending champion University of the Philippines sa alas-3:30 ng hapon.
Nananatiling nasa ibabaw ng standings ang Tamaraws na may 15 points, dalawang puntos ang angat sa joint second placers Blue Eagles at Green Archers, na kapuwa may 13 points.
Matapos ang undefeated first round, nalasap ng FEU ang unang kabiguan sa season kasunod ng 1-4 pagyuko sa Ateneo noong nakaraang Huwebes.
Samantala, sinimulan ng UST ang second round sa pamamagitan ng 1-1 stalemate sa De La Salle.
Bumawi naman ang Eagles mula sa 1-2 pagkatalo sa Archers.
Comments are closed.