FIRE VICTIMS MAS GUSTONG MAKITA SI BONG GO

MAS gusto ng mga biktima ng sunog  na ma­kita si Senador Bong Go sa halip na ang mga opisyal ng lokal na pamahalaan o mga government  agencies sa kanilang lugar.

Ang dahilan ng mga nasusunugan ay mas nakatitiyak sila na darating agad ang ayuda ng pamahalaan tulad ng mga materyales ng bahay, damit, gamit, at pagkain kapag si Sen.Go ang unang dumating sa “fire scene”.

Tulad ng sunog na nangyari sa Arayat at Zambales Sts., sa Que­zon City na agad na pinuntahan at dinamayan ni Sen. Go.

Nang makarating sa kaalaman ni Sen. Go ang hiling na tulong ng mga residente sa Arayat Market ay agad na nagtungo sa lugar ang dating Special Assistant to the President.

Dala ni Sen.Go ang mga pagkain, damit, ilang materyales sa paggawa ng bahay, at school supplies para sa mga batang mag-aaral na nasunugan.

“Nandito po ako para siguruhin at ipakita sa inyo na narito ang gobyerno at hindi kayo kinakalimutan”, anang Senador.

Nangako rin ang dating kanang kamay ng Pangulo na lalakarin niya sa NHA na magkaroon muli ng permanenteng tirahan ang mga nasunugan.

“Mahirap po ang masunugan kasi pati mga kapitbahay mo hindi ka matulungan at madamayan dahil biktima rin sila kaya kailangan nila ng ayuda mula sa labas ng kanilang komunidad,” pahayag pa ni Go.

Nag-aalok din ang senador ng pamasahe pauwi ng probinsiya para sa mga gustong umuwi na lang sa kanilang lalawigan.