DAVAO CITY –BUNSOD ng sama ng panahon o Low Pressure Area, nagkaroon ng pagbaha at pagguho sa ilang bayan sa Region 11.
Ayon kay Office of Civil Defense (OCD) Information Officer Leslie Francisco, may mga bayan na nagsuspinde ng mga klase dahil sa pag-ulan.
Ito’y kinabibilangan ng Mawab, Montevista, New Bataan, Compostela, Monkayo, Maragusan at Maco sa lalawigan ng Compostela, gayundin sa bayan ng Boston at Baganga sa lalawigan ng Davao Oriental.
Nakaranas ng minor landslide incident sa Barangay Kibahay at Barangay Poblacion ng Boston, Davao Oriental.
Kaagad namang nagsagawa ng clearing operation sa lugar.
Naranasan din ang minimal flooding incident sa Mahan-oc river sa Baganga at sa Barangay Carmen at Bacongnan sa bayan ng Boston sa Davao Oriental.
Dahil dito patuloy naman ang isinagawang monitoring ng OCD sa iba pang panig ng rehiyon. AIMEE ANOC
Comments are closed.