SI MAYWEATHER naman!
Ito ang pahayag kahapon ni Senate Majority Leader Migz Zubiri kasunod ng pagkapanalo ni Senador Manny “Pacman” Pacquiao laban kay Adrien Broner.
Matagal nang hinihimok ang pambansang kamao na muling labanan si Floyd Mayweather Jr.
“Manny Pacquiao once again shows the World his superhuman Strength and his Super Human Heart of true Champion. He is a Champion of the ages, winning Championships throughout his two and a half decades of boxing and defying father time,” ayon kay Zubiri.
Para naman kay Senador Win Gatchalian, inspirasyon ng lahat ng Pinoy si Pacquiao.
“Siya ang patunay na walang imposible if you put your heart and mind to it. May Manny continue to serve as an inspiration to all Filipinos here and around the world,” dagdag pa ni Gatchalian.
Ayon naman kay Senador Joel Villanueva, malaking bagay ang laban ni Pacman sa pagkakaisa ng mga Filipino.
“Once again, he brought our country together, and we can all be proud of his latest accomplishment in his stellar boxing career,” diin ni Villanueva.
Pinasalamatan ni Senador Sonny Angara si Pacman sa pagbibigay ng kasiyahan at karangalan sa Filipinas.
Iginiit naman ni Senador Nancy Binay na muling pinatunayan ni Pacman na isa itong bayani sa puso ng sambayanan.
Matatandaang kumalat ang ulat na maaaring maitakda ang Mayweather vs Pacquiao Part 2 sa Hulyo ng taong kasalukuyan.
Nais umano ni Floyd na sa Hulyo ang laban at tinitingnan ang posibleng venue na London o Russia.
Nauna nang inihayag ni Floyd Jr. na handa siyang muling harapin si Pacquiao para sa rematch ng kanilang blockbuster show-down noong 2015.
61 PANALO NI PACMAN NAITALA; PALASYO, ARMED FORCES NAGBUNYI
KAISA ng sambayanang Filipino, agad na nagpahatid ng kanilang pagbati ang Malakanyang, Armed Forces chief of staff Gen. Benjamin Madrigal Jr. at Philippine Army chief Ltgen Macairog Alberto kay Pambansang Kamao Sen. Manny Pacquiao nang matagumpay niyang maidepensa ang kaniyang World Boxing Association (WBA) Welterweight Championship belt kontra kay American boxer Adrien Broner via unanimous decision kahapon.
“The 40-year-old “Pambansang Kamao” displayed his vintage form just like in his heyday and dominated Broner, who went back-pedaling, in full twelve rounds of battle,” pahayag ni Presidential spokesperson Salvador Panelo.
Labing isang taon ang tanda ni Pacman kay Broner.
Pinasalamatan din ng Malakanyang si Pacman dahil hindi lamang ito nagdala ng karangalan kundi muling pinagkaisa ang lahat ng mga Filipino sa buong bansa dahil sa kanyang ipinakitang lakas, kapangyarihan at kagalingan.
“We thank our pound-for-pound King for not only bringing honor and glory to our flag, but for once again uniting all Filipinos worldwide with his display of athleticism, power and Filipino pride. Mabuhay ka, Manny! Mabuhay ang Filipinas!” dagdag ni Panelo.
Sa pahayag naman ni Gen. Madrigal sa panalo ni Pacquiao na isa sa kanilang Army Officer, “On behalf of the men and women of the armed forces, our congratulations and deepest respect to Senator Manny Pacquiao.”
Umaasa ang AFP na maimbitahan nila ang Peoples champ sa AFP General Headquarters para ipagdiwang ang kanyang panalo at magbigay pugay.
“I hope we can invite him here at GHQ to celebrate his victory and give our respect. He has the heart of a true champion, the heart of a Filipino soldier and warrior,” anang heneral.
Halos nagkaisa ang tatlong ring judges sa inilabas nilang scorecard na 117-111, 116-112, 116-112 pabor kay Paquiao na isang Army reserved colonel.
Dahil dito, ito na ang ika-61 na panalo ni Pacquiao sa kaniyang 70 professional fights habang may pitong talo at apat na tabla.
Sa kabila ng agwat sa edad, pinaulanan ng suntok ni Pacquiao ang American challenger.
Naganap ang bakbakang Pacman-Broner sa MGM Grand Arena sa Nevada, USA. EVELYN QUIROZ, VERLIN RUIZ