FOREIGN DIRECT INVESTMENTS TUMAAS ($820-M noong Hulyo)

NAKABAWI ang net inflows ng foreign direct investments (FDI) sa bansa noong Hulyo, ayon sa Bangko Sentral ng Pilipinas (BSP).

Sa preliminary data ng BSP, lumitaw na ang FDI net inflows ay nasa$820 million, tumaas ng 5.5% mula $778 million net inflows na naitala sa kaparehong buwan noong nakaraang taon.

Ang FDI net inflows noong Hulyo ay mas mataas din kumpara sa $394-million net inflows na naitala noong Hunyo, na pinakamababang FDI net inflows magmula noong April 2020.

“The improvement in FDI was driven by higher net inflows across all components,” ayon sa BSP.

Sinabi ng central bank na ang foreigners’ net investments in debt instruments ay tumaas ng 2.7% year-on-year sa $610 million mula $594 million.

“Non-residents’ reinvestment of earnings and their net investments in equity capital increased by 12.8% to $135 million from $120 million and 16.8% to $76 million from $65 million, respectively,” sabi pa ng BSP.

Karamihan sa equity capital placements noong July 2024 ay nagmula sa Japan, United States, at Singapore.

“These investments were channeled mainly to the manufacturing and real estate industries.”

Ang July FDI net inflows ay nagdala sa January-July 2024 figure sa $5.3 billion, tumaas ng 7.5% mula $4.9 billion net inflows sa kaparehong panahon noong nakaraang taon.

Ipinaliwanag ng BSP na ang FDI ay isang investment ng isang foreign direct investor sa isang local enterprise, na ang equity capital sa huli ay hindi bababa sa 10% o isang investment na ginawa ng isang foreign subsidiary sa resident direct investor nito.

Ang FDI ay maaaring sa anyong equity capital, reinvestment of earnings, at borrowings.