RIZAL- MALAKING tulong sa mga mag-aaral na gumagamit ng computer sa kanilang aralin dahil nagbigay ng libreng internet access at print ang lokal na pamahalaan ng Montalban sa mga e-library sa nasabing lalawigan.
Hindi na kailangang gumastos ang mga mag-aaral dahil nag-donate ang nasabing LGU ng free internet access kung saan magtungo lamang sa Main Library sa Rural Health Unit, Burgos Library at Kasiglanan Library sa Phase 1D Munting Ilaw, Kasiglahan Village sa Brgy. San Jose.
Handang magbigay ng serbisyong internet access sa mga mag-aaral simula Lunes ng umaga hanggang Biyernes ng hapon habang ang mag-print ng mga aralin ay kailangang magtungo sa Main Library o kaya sa Burgos Library.
Samantala, ang mga mag-aaral na nagnanais kumuha ng library card ay magdala ng 1×1 photo para mapabilis ang proseso ng free library card. MHAR BASCO