MUNTINLUPA CITY – ISANG trabahador ang namatay samantalang sugatan naman ang dalawang kasamahan nito nang masunog ang kanilang pinagta-trabahuang furniture shop kahapon ng umaga.
Ayon kay Sgt. Roque Garcia, ng Scene of the Crime Office, Southern Police District (SOCO, SPD), ay inaalam pa ang pagkakakilanlan ng biktimang namatay matapos na ito ay ma-trap sa loob ng furniture shop.
Samantala, ang dalawang kasamahan nito na hindi pa rin alam ang pagkakakilanlan ay isinugod sa isang malapit na ospital upang agad na malapatan ng lunas matapos na ang mga ito ay magtamo ng first degree burn sa katawan.
Ayon sa inisyal na report ng Muntinlupa City Bureau of Fire and Protection (BFP) dakong 7:12 ng umaga nang sumiklab ang sunog sa Markline Furniture na matatagpuan sa Te Laurel Compound Brgy. Putatan ng nabanggit na siyudad.
Nabatid na nasa 20 kawani ang nagtrabaho sa nasabing establisimiyento nang maganap ang sunog.
Kaagad naman nakalabas ang mga ito maliban sa nasawing biktima dahil na trap ito at hindi nagawang maisalba ng mga ka-gawad ng tagapamatay sunog na naging sanhi ng kamatayan nito.
Dakong alas-8:01 ng umaga nang ideklarang fire-out ang naturang sunog na umabot lamang sa unang alarma. MARIVIC FERNANDEZ
Related posts:
(Lola 1, pa sugatan) PRUTASAN SA PALENGKE NASUNOG
ANTIPOLO CITY JAIL NASUNOG, PAGPUGA NG PRESO NAPIGILAN
MALL SA CALOOCAN CITY NASUNOG
2 YUNIT NG APARTMENT NASUNOG
PIER SA MAYNILA NASUNOG
PLASTIC WAREHOUSE NASUNOG, SKYWAY STAGE 3 GUMUHO
WALONG AUTO SHOPS NASUNOG
SIMBAHAN SA PANDACAN, MAYNILA NASUNOG
Comments are closed.