GASOLINA, KRUDO TATAAS PA

MAGIGING epektibo ang ikatlo at huling tranche ng excise tax hike sa produktong petrolyo sa unang araw ng Enero 2020.

Inihayag ito kahapon ni Finance Assistant Secretary Tony Lambino.

Ipinasa ng admi­nistrasyong Duterte ang  Tax Reform for Acceleration and Inclusion (TRAIN) law, noong  2017, na nagpapataw ng P2.50 kada litrong  excise tax sa diesel at nagtataas sa levy sa gasolina sa  P7.00 kada litro simula ­Enero 1, 2018.

Tumaas ang fuel excise taxes ng P2.00  kada litro simula noong Enero 1, 2019. Nangan-gahulugan ito na ang excise tax sa diesel ay aabot sa  P4.50 kada litro habang ang gasolina ay P9.00 kada litro.

Sa huling  round ng pagtataas ng excise tax  ngayong Enero ay may dag­dag  na P1.50 (diesel) at P1 sa kerosene.

Sinabi ni Lambino na ito na ang pinakamaliit na adjustment dahil mas malaki ang mga naunang  pagpapataw ng buwis.

Nagpaalala naman ang Department of Energy sa mga kompanya ng langis na  magiging epek-tibo lamang ang pagpapataw ng dagdag na buwis  sa  bagong stocks ng imported na produkto sa ­Enero 1, 2020.

Magkakaroon ng spot checking ang Department of ­Energy at  field ope­rations  sa mga gaso-linahan.

Ang  buwis mula sa produktong ­langis ay kinakailangan upang mapondohan ang  mga infrastruc-ture program  maging ang healthcare, education, social protection.