GCQ PINALAWIG NI DUTERTE

PINALAWIG ni Pangulong Rodrigo Duterte ang general community quarantine (GCQ) sa Metro Manila at iba pang lugar dahil sa patuloy na pagtaas ng kumpirmadong kaso ng  coronavirus disease 2019 (COVID-19).

Sinabi ni Presidential spokesperson Harry Roque gabi ng Lunes  na inaprubahan ng Pangulong Duterte ang rekomendasyon ng  Inter-agency Task Force for the Management of Emerging Infectious Diseases (IATF-EID).

Inilagay rin ng Pangulo sa  GCQ ang ilang lugar sa  Luzon hanggang sa Hunyo 30 na kinabibilangan ng  Cagayan, Isabela, Nueva Vizcaya, Quirino, Santiago City sa Cagayan Valley (Region 2); Aurora, Bataan, Bulacan, Tarlac, Olongapo City in Central Luzon (Regoin 3); Cavite, Laguna, Batangas, Rizal, at Quezon, o ang buong  Calabarzon Region (Region 4-A), at Occidental Mindoro sa Mimaropa (Region 4-B).

Sa Central Visayas, ilang lugar din ang extended GCG  tulad ng Bohol, Cebu, Negros Oriental, Siquijor, Mandaue City, at Lau-Lapu City.

Sa Mindanao, nasa GCQ ang  Davao City at Zamboanga City habang ang Cebu City ay Ibinalik  sa enhanced  community quarantine (ECQ) dahil sa pagtaas ng bilang ng mga bagong kaso ng COVID-19 at pagkalat  o community transmission sa karamihan ng mga barangay sa lungsod.

Ang Talisay City sa Cebu ay inilagay sa  modified enhanced community quarantine (MECQ)  habang mananatili ang ibang mga lugar sa  modified general community quarantine (MGCQ) hanggang sa Hunyo 30, 2020.

Pinaluwag ang lockdown restrictions sa bansa noong Hunyo 1 upang unti-unting buksan  ang ekonomiya  na matinding napinsala ng pandemya.

Nauna rito ay sinabi ni Roque na maaring ma-downgrade ang GCQ sa modified general community quarantine (MGCQ). PILIPINO MIRROR Reportorial Team