NAVOTAS CITY – KULUNGAN ang kinahantungan ng isang 46-anyos na babae matapos tangkain nitong kidnapin ang apat na taong gulang na batang lalaki kahapon ng umaga.
Kinilala ni Navotas police chief Senior Supt. Rolando Balasabas ang naarestong suspek na si Marites Gatchalian, tubong Baco-lod province at walang permanenteng tirahan sa lungsod.
Ayon kay Sr. Supt. Balasabas, dakong alas-9:00 ng umaga, naglalaro ang biktima na nursery student sa labas ng kanilang bahay sa 711 Tulay 1 Tabing Dagat, Brgy. Daanghari nang lapitan ito ng suspek at hatakin sa braso saka tinangkang tangayin.
Dahil sa takot, nagsisigaw ang bata na nakatawag ng pansin sa kanyang ina na si Rosemarie Reyes, 46, na agad inagaw ang kanyang anak saka humingi ng tulong sa mga nagpapatrolyang na barangay tanod.
Kaagad hinabol ng mga barangay tanod na sina Liberato Cruz at Michael Pulilan ng Barangay Daanghari ang papatakas na sus-pek hanggang sa makorner ito at maaresto.
Sinampahan ng pulisya ng kasong attempted kidnapping in relation to R.A 7610 si Gatchalian sa Navotas City Prosecutor’s Office. EVELYN GARCIA
Comments are closed.