RIZAL- NASAKOTE ang isang ginang sa isinagawang buy bust operation ng mga operatiba ng Antipolo CPS.
Nabatid na bandang alas-12:32 kamakalawa ng hatinggabi naaresto ang suspek sa Edward St. Kingsville Subdivision matapos ang halos isang linggong surveillance.
Kinilala ang suspek na si Alyas Myla, naninirahan sa Brgy. Mayamot ng nasabing lungsod matapos maaktuhan sa pagbebenta ng isang sachet ng shabu na may halagang P1000 sa isang awtoridad na nagpanggap bilang poseur buyer.
Narekober sa suspek ang shabu na may bigat na 30.5 gramo na tinatayang nagkakahalaga ng P207,400.
Inamin ng suspek na ang pagbebenta ng droga na ang nakasanayan nitong hanapbuhay.
Nahaharap ngayon sa kasong paglabag sa Comprehensive Dangerous Drugs Act of 2002 o RA 9165 ang suspek at pansamantalang nakapiit sa Antipolo CPS Custodial Facility habang pinoproseso ang pagsasampa ng reklamo. ELMA MORALES