NAISAAYOS ng Ginebra Boys at MagBeerPagRain ang championship showdown para sa PBA Press Corps Raffy Japa Cup basketball tournament ngayong taon sa pagposte ng contrasting victories laban sa magkahiwalay na katunggali noong Miyerkoles sa Smart Araneta Coliseum.
Isinalpak ni Richard Marcos ang isang left corner triple mula sa kickout pass ni Patrick Partosa, may 62 segundo ang nalalabi, upang kunin ng Ginebra Boys ang dikit na 64-60 panalo kontra TerraPort habang muling sumandal ang MagBeerPagRain sa kanilang twin towers na sina Aldo Panlilio at Ethan Casares sa 92-71 pagdurog sa dating walang talong MVP Sports Foundation sa torneo na inorganisa ng PBA Press Corps at iprinisinta ng Burlington.
Nakatakda ang winner-take-all Ginebra-MBPR title game ng torneo na itinataguyod ng Rain or Shine, Gatorade, Philippine Sports Commission, at PBA ngayong alas-12:30 ng tanghali sa Big Dome matapos ang one-game battle para sa third sa pagitan ng MVPSF at ng TerraPort.
Tumapos si Marcos na may 16 points upang pangunahan ang Kings at nagdagdag ng 6 rebounds at 2 assists habang nag-ambag sina Aaron Ang at JayR Baron ng tig-12 points.
Si Sydney Talabis, nagbalik mula sa hamstring injury, ay isa sa dalawang double-digit scorers para sa Batang Dyip na may 20 points, 8 boards, 2 steals, isang assist at isang shot block. Nagdagdag si Jun Tenerife ng 11 points para sa TerraPort.
Tumapos si Panlilio na may 29 points, 11 rebounds, 3 assists, at isang steal, habang nakalikom si Casares ng 20 points, 12 rebounds, 2 shot blocks, 1 assist at 1 steal para sa MagBeerPagRain, isang koponan na binubuo ng mga coach at support staff mula San Miguel Beer, Magnolia at Rain or Shine,
Iskor:
Unang laro:
Ginebra Boys (64) – Marcos 16, Ang 12, Baron 12, Mendoza 7, Partosa 7, Atienza 3, Calilan 3, Liape 2, Del Rosario 2, Hugo 0, Trillana 0.
TerraPort (60) — Talabis 20, Tenerife 11, Clerigo 7, Caliwag 7, Jarencio 5, Tagana 3, Cabungan 3, Uy 2, Avenido 2, Espiritu 0, Rasay 0.
QS: 19-15, 31-33, 44-42, 64-60.
Ikalawang laro:
MagBeerPagRain (92) — Panlilio 29, Casares 20, Tabasin 17, G. Bacason 8, Vivo 5, Rosales 4, Conejos 4, Lajada 3, E. Bacason 2, Mendoza 0, Malihan 0, Cortez 0, Salvador 0.
MVPSF (71) – Apura 30, Delicano 13, Arguelles 11, Eslera 8, Sunga 6, Santiago 3, Bartolome 0.
QS: 20-16, 43-27, 70-45, 92-71.