GRADING SYSTEM ISABAY SA NEW NORMAL

Raymond Basillo

NANAWAGAN ang grupo ng mga guro na dahil high tech na o digital class ang umiiral, dapat nang sumabay sa new normal ang pamamaraan sa pagbibigay ng grado sa mga estudyante.

Sa pahayag ni Alliance of Concerned Teachers (ACT) Secretary General Raymond Basillo, hindi angkop  ang lumang grading system ng Department of Education sa kasalukuyang long distance teaching.

Aniya, dahil limitado na ang interaction ng mga guro at mag-aaral at hindi kagaya ng tradisyonal na pagtuturo, nararapat ding mag-adjust  sa pagbibigay ng grade kasabay rin ng pagbabago sa pamamaraan para maging epektibo ang pagtuturo gamit ang electronic device.

Kabilang sa ikinokonsiderang baguhin ang pagbibigay ng points sa attendance o kaya naman sa “get up” o nakagawiang complete uniform ng  mag-aaral na ayon sa ACT ay hindi na kailangan dahil nakaharap na lamang sa electronic device gaya ng laptop, tablet o cellphone ang mag-aaral.

Kung hindi anila makasabay sa new normal ang grading system, nangangamba silang pumalpak ang old sytem sa new normal type of education.

Umaasa ang ACT na maikokonsidera ng pamahalaan lalo na ng DepEd ang kanilang apela bago ang class opening sa Oktubre 5.

Dagdag pa ni Basillo, bukod sa grading system, dapat ding i-adust ang technique sa pagtuturo para matiyak na matututo ang mga estudyante. EC

3 thoughts on “GRADING SYSTEM ISABAY SA NEW NORMAL”

Leave a Reply

Your email address will not be published.