PLANO ni Pangulong Rodrigo Duterte na ipatupad ang isang gross income taxation system para sa computation ng corporate taxes upang mabawasan ang korupsiyon sa gobyerno.
Iginiit ni Pangulong Duterte na ang pagpalit sa net income tungong gross income ay makakapigil sa korupsiyon sa Bureau of Internal Revenue (BIR).
“Gusto ninyong mahinto ang corruption? O ito, tanggalin natin ang neto [net icome] at pupunta tayo doon sa gross sa BIR. ‘Pag ‘yan ang isunod natin kagaya ng Hong Kong, Singapore, Brunei, and the rest, you would have removed about 70 percent of the corruption,” giit ng Pangulo sa kanyang talumpati sa Bataan.
Aniya, kung ang gross income taxation system ang gagamitin sa computation ng corporate taxes ay hindi na kakailanganin pa ang tax examiners.
“I guarantee you, ‘pag pumunta tayo ng gross wala na examiner, wala ng deduction then they do not haggle for anything. ‘Pag nandiyan ‘yung resibo, ‘yan na ‘yun. Wala ng istorya,” dagdag ng Pangulo.
Sinabi pa ng Pangulo, ang tax examiners ang nakikinabang sa kasalukuyang sistema ng corporate tax collection.
Naniniwala ang Pangulong Duterte na kapag sinunod ang ganitong sistema tulad sa ibang bansa, 70 porsiyento ng korupsiyon sa gobyerno ang maiaalis.
Related posts:
(Tiniyak ng Palasyo) MILITAR SA BOC ‘DI KAKAININ NG KORUPSIYON
(Sa mga kondisyong itinakda sa STL operators) KORUPSIYON SA PCSO MATUTULDUKAN NA–PALASYO
(Korupsiyon sa Port of Manila at Manila International Container Port) IMBESTIGASYON NG PACC SUPORTADO NG BOC
(Matinding korupsiyon sa mga LGU) PAHIRAP SA TELCOS
PALASYO BUO ANG SUPORTA SA DOJ SA MALAWAKANG IMBETIGASYON VS KORUPSIYON
(Martial law pinadedeklara ni Duterte sa susunod na presidente) DROGA, KORUPSIYON PROBLEMA PA RIN
Comments are closed.