HINUBARAN ng Department of Interior and Local Government (DILG) ang guerilla-type na Philippine Offshore Gaming Operators (POGO).
Ayon kay Interior Secretary Jonvic Remulla, ang mga nagsara na POGO sa bansa ay nagpapanggap ngayon na mga resort at restaurant upang itago ang ilegal na operasyon.
Ginawa ni Remulla ang pahayag matapos tanungin sa Senado ang tungkol sa pagsasara ng mga POGO hanggang Disyembre, batay sa kautusan ni Pangulong Ferdinand Marcos Jr.
Ibinahagi ni Remulla na biggest disguise ng mga POGO ang pagkukunwaring resort at restaurant tulad ng ni-raid sa Lapu-Lapu City kung saan ang mga empleyado ay mula sa pinasarang POGO hub sa Pampanga.
Ayon sa kalihim, kumukuha ang mga POGO ng business permit mula sa lokal na pamahalaan kaya ang panawagan sa mga alkalde ay inspeksyunin ang mga business establishment.
Iginiit ng kalihim na may pananagutan ang mga local executive kapag nakalusot ang illegal POGO sa kanilang nasasakupan.
Dahil dito, maglalabas ang DILG ng memorandum circular para obligahin ang mga alkalde na magsagawa ng inspection sa mga business establishment.
EUNICE CELARIO
Related posts:
SIKRETONG DAAN, ARMAS SA LOOB NG KOJC ESTATE NATUKLASAN NA
BIGTIME CHILD TRAFFICKER NADAKIP SA UAE NASA BANSA NA
ALERT LEVEL ALPHA SA 26 LALAWIGAN – DILG
(Tumulong sa pagtakas ni Guo) MGA DATING PNP CHIEF UMALMA
(Hamon kay Ret. BGen. Villanueva) PANGALANAN ANG PNP CHIEF NA TUMATANGGAP NG PAYOLA SA POGO
(Suportado ng DILG) PNP, LTO SANIB PUWERSA VS MOTORCYCLE THEFT
GUO NAGHAIN NG “NOT GUILTY PLEA” SA QUALIFIED HUMAN TRAFFICKING
(Walang extension para sa deadline sa Oktubre 15) POGO WORKERS HINIMOK SA VOLUNTARY VISA DOWNGRADING