SIMULA kahapon, October 14, sinuspinde ng Philippine National Police – National Capital Region Police Office (NCRPO) ang lahat ng permits to carry firearms (PTCFOR) sa Metro Manila na tatagal hanggang Biyernes October 18.
Ayon kay Maj General Sidney Hernia ang bagong hirang na pinuno ng PNP-NCRPO, bahagi ito ng inilatag nilang security measure para sa ginaganap na Asia-Pacific Ministerial Conference on Disaster Risk Reduction (APMCDRR) na mismong Pilipinas ang nagsilbing host.
“All PTCFOR are SUSPENDED within Metro Manila from 12:01 AM October 13, 2024 to 12:00 MN October 18, 2024 during the Asia Pacific Ministerial Conference on Disaster Risk Reduction to be held at the Philippine International Convention Center (PICC),” ayon sa inilabas na kalatas ng NCRPO.
Nabatid na ang nasabing konperensiya ay isa sa pinakamalaking international gatherings hinggil sa disaster risk reduction. Mahigit 3,000 participants mula sa 69 bansa ang inaasahang dadalo sa nasabing kaganapan.
VERLIN RUIZ
Related posts:
NCRPO MAGKAROON NG 6 POLICE DISTRICTS
(123rd Police Anniversary) CYBER SECURTY OPERATIONS CENTER IBINIDA NG PNP KAY PBBM
NARTATEZ NUMBER-2 MAN NG PNP; 1ST STAR KAY FAJARDO
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK