HINDI na dapat hintayin pa ang serye ng matinding paglindol bago kumilos ang gobyerno at ang mga tao tungo sa paghahanda sa anumang kalamidad, kabilang na siyempre ang lindol.
at pinakamahalaga, kailangan natin ng maayos na estratehiya sa komunikasyon upang tiyakin na ang mga babala ay makararating sa lahat, lalo na sa mga liblib at mapanganib na lugar.
Dahil ang bansa ay matatagpuan sa Pacific Ring of Fire, dapat na bigyang prayoridad ang pagiging matibay ng mga kritikal na imprastruktura. Ngayon ang tamang panahon upang suriin kung naipatutupad ba ang mga batas at pamantayan ukol sa konstruksiyon at pagtatayo ng mga gusali at iba pang istruktura.
Dagdag pa, dapat suriin ang mga inisyatiba na ayusin ang mga umiiral na istruktura upang makatugon ang mga ito sa mga pamantayan.
Ang mabilis at epektibong pagtugon sa kalamidad at anumang emergency situation ay napakahalaga, kasama na rito ang paghahanda at pagsasanay sa mga rescuers.
Bilang bahagi ng paghahandang ito, kailangang magkaroon ng ligtas at madaling puntahan na evacuation centers sa mga lugar na madalas tamaan ng lindol at iba pang kalamidad.
Ang mga sentrong ito ay dapat na may kaukulang gamit, pasilidad pang-medikal, at mga gamit pang-komunikasyon. Gayundin, ang mga plano sa paglikas ay dapat na dokumentado at malinaw na maipahahatid sa mga tao.
Mabuting maging bukas ang pamahalaan sa paggamit ng makabagong pamamaraan, lalo na ang AI, at sa pakikipagtulungan sa mga organisasyong pang-teknolohiya upang sila ay magkatuwang na humanap ng mga solusyon.
pumapasok ang kahalagahan ng pagyakap sa makabagong teknolohiya na mahalaga upang mainam na mapaghandaan ang mga kalamidad na dumarating sa bansa. Halimbawa, ang geographic information system (GIS) mapping, satellite imagery, at iba pang makabagong pamamaraan na maaaring gamitin para sa pagsusuri ng panganib, pagbabahagi ng yaman (resource allocation), at koordinasyon ng mga aksyon at tulong.
(Itutuloy)
