MULING nagpaalala ang Land Transportation Franchising and Regulatory Board (LTFRB) sa public utility jeepney (PUJ) operators na samantalahin ang extension para sa konsolidasyon na ibinigay ni Pangulong Ferdinand Marcos, Jr., na nakatakda nang matapos sa Abril 30.
Ayon kay LTFRB Chairman Teofilo Guadiz III, kapag natapos na ang extension ay hindi na papayagang mag-operate ang mga PUJ na hindi nag-consolidate ng prangkisa.
“I have to reiterate again, hanggang April 30 na lang ito. We need to consolidate kasi ‘yun ang unang part ng modernization, before the fleet management would come in… We will revoke those franchises and we will only allow those who consolidating to ply the routes of Metro Manila,” sabi ni Guadiz.
Ang ilang transport groups, kabilang ang MANIBELA, ay matatag sa kanilang pagtutol sa pagsasama-sama ng mga prangkisa, at sinabing magsasagawa sila ng dalawa pang protesta bago ang deadline.
Matatandaang kamakailan lang ay nagpalabas ng anunsiyo ang MANIBELA na magsasagawa sila ng malawakang kilos-protesta sa darating na Abril 14 at 30.
EVELYN GARCIA
Related posts:
(Ikinasa ng Piston, Manibela sa Dis. 18-29) MAS MALAKING TIGIL-PASADA
(Simula na ngayong Lunes) 12-ARAW NA TIGIL-PASADA TULOY
(Consolidation ng mga PUV) DEADLINE PINALAWIG NG 3 BUWAN
EKSTENSYON SUSUNDIN NG LTFRB
(Basta rehistrado sa LTO) UNCONSOLIDATED PUVs PUWEDE PA HANGGANG ABRIL 30
(Kahit binawi ang expose sa korupsiyon sa LTFRB) TIGIL-PASADA WALANG ATRASAN
(Ngayong Lunes) TRANSPORT STRIKE TULOY NA TULOY
(Ikinasa ng Manibela mula Nob. 22 hanggang 24) 3-ARAW PANG NATIONWIDE TRANSPORT STRIKE