(Hanggang sa Abril 15) WALANG PUTULAN NG KORYENTE

SINUSPINDE ng Meralco ang lahat ng disconnection activities sa kanilang mga franchise area hanggang sa Abril 15.

Ayon sa Meralco, ito ay upang mabawasan ang pasanin ng kanilang mga customer na maaapektuhan ng panibagong deklarasyon ng gobyerno na enhanced community quarantine (ECQ) sa National Capital Region (NCR) at mga kalapit na lalawigan.

Ang Metro Manila, Bulacan, Rizal, Cavite at Laguna ay muling isinailalim na pinakamahigpit na quarantine measure sa loob ng isang linggo — Marso 20 hanggang Abril 4 — upang mapigilan ang pagtaas pa ng kaso ng COVID-19.

Sinabi ni Meralco Chief Commercial Officer Ferdinand Geluz na batid nila ang hirap na pinagdaraanan ng publiko na dulot ng pandemya at bilang suporta sa pagsisikap ng pamahalaan na malabanan ang COVID-19 transimmission, makasisiguro, aniya, ang kanilang mga konsyumer na walang mapuputulan ng koneksyon ng koryente hanggang sa April 15.

“Cognizant of the plight of our customers amid these challenging times brought about by the pandemic and in support of the government’s effort to manage the transmission of COVID-19, we commit to put on hold all disconnection activities until April 15 2021,” wika ni Geluz.

“We hope this measure will contribute to easing the burden of our customers and provide enough relief and time for them to settle their bills.”

Related posts:

BAWAS-SINGIL SA KORYENTE NGAYONG SETYEMBRE SINGIL SA KORYENTE TATAAS NGAYONG BUWAN BAWAS SINGIL SA KORYENTE INAASAHAN NGAYONG DISYEMBRE SUPPLY NG KORYENTE SAPAT SA KABILA NG EL NIÑO MAKABAGO AT DAGDAG NA PLANTA NG KORYENTE  KAILANGANG-KAILANGAN NA! SAPAT NA SUPPLY NG KORYENTE KAILANGAN SA KAUNLARAN TAAS-SINGIL SA KORYENTE NAKAAMBA BAWAS-SINGIL SA KORYENTE