HANNAH ARNOLD WAGI NA SA WAKAS

MAHIGIT  isang taon ang hinintay ng mga kandidata ng Bb. Pilipinas 2020 dahil supposedly, April last year pa ito ginanap . In fact, naka-kasama pa tayo sa ilang pre-pageant activities nila noon. Noon pa man ay na-interview ko na ang ilan sa mga kandidata (during pre-pageant activities) gaya ni Samantha Bernardo na hand-picked ni Stella Araneta para  sa Miss Grand International 2020 at nagwagi bilang First Runner-up na ginanap sa Thailand. May interview din ako kay Hannah Arnold nang ipasyal nila ang mga batang may cleft palate.

Noon pa man, puntirya na ni Hanna ang Bb. Pilipinas-International title na mapapanood sa aking Youtube Channel, just type Timmy Basil Hannah. Natupad ang hiling niya kaya siya ang ipadadala ng Pilipinas sa Miss International 2021 na ginaganap palagi sa Japan.

To date, marami-rami na ring Pinay ang nagwaging Miss International. Ang pinakahuli ay si Kylie  Versoza noong 2016, Bea Rose Santiago noong 2013. By the way, may iniindang sakit ngayon si Bea at sana nakahanap na siya ng kidney donor, kaya mo yan Bea; si Lara Quigaman, Melanie Marquez noong 1970 and Gemma Cruz, ang kauna-unahang Pinay na Miss International winner.

Pangalawang attempt na rin niya ito sa Bb. Pilipinas. Congratulations Hannah. Bring home the bacon.

Samantala, napaka-istrikto ng Bb. Pilipinas Charities sa mga dumalo sa Araneta Coliseum noong Linggo. Kaila­ngang i-swab test ang mga reporter and pageant vloggers na magko-cover ng event. Kaya binilisan ng driver namin ang pagpapatakbo para makaabot kami, dahil magpapa-swab test pa nga. Pero nung bumaba na kami ng Skyway sa may Arane­ta at ibinaba na niya ako sa tapat ng Fisher Mall, bigla akong natakot hahahaha. Natakot akong ma-swab kaya sumakay na lang ako ng taxi at dumeretso na lang sa bahay ko sa Batasan Hills. Sa bahay na lang ako nag-coverage dahil livesteam naman.

Aside from Hannah, winners din ng Bb. Pilipinas 2021 sina Bb. Pilipinas Grand International, Samantha Panlilio of Cavite; Bb. Pilipinas-Intercontinental, Cinderella Faye Obenita of Cagayan de Oro; Bb. Pilipinas- Globe, Maureen Montagne of Batangas; Bb. Pilipinas 1st Runner-up, Gabrielle Basiano of Borongan, Eastern Samar; and Bb. Pilipinas 2nd Runner-up, Meji Cruz of Valenzuela.

Sina Catriona Gray and Nicole Cordovez ang host.