HEART EVANGELISTA GUSTO NANG MABUNTIS MULI

MASASABI na ngang nakapag-move on na si Heart Evangelista matapos na malaglag sa kanyang sinapupunan ang kambal na pinagbuntis. Hindi naging madali para kay Heart ang proseso ng moving-on.

Kaya nang matanong ulit si Heart kung kailan ba ulit balak nila ng mister na bumuo muli ng isang baby, positibo naman sinagot ito ni Heart sa pagsasabing baka raw sa pagtatapos ng papasok na taon ay magplano na ulit sila ng mister pero by this time ay ibang atake naman daw ang kanilang gagawin, kung sakali man na mabuntis ulit siya ay itatago na raw ito ni Heart sa publiko, ilalabas na lang pag nanganak na siya.

Ayon sa aktres, dahilan sa unang pagbubuntis niya ay marami siyang natutunan kaya sa pagkakataon na ito ay poprotektahan na raw niya ang kanyang magiging baby ulit mula sa mga bad energy.

Gusto ni Heart na maging pribado ang kanyang pagbubuntis para maiwas kung anuman ang stress na idudulot sa kanya.

Sa ngayon ay abala ang aktress sa pa­ngangampanya sa kanyang mister na tumatakbo bilang gobernador at ganun na rin sa pag-sho-shooting ng isang international film under Warner Bros.

KATRINA HALILI NAMI-MISS ANG PAGIGING FHM MODEL

TILA na-miss ni Katrina Halili ang kanyang pagiging FHM sexy model nang minsan sa kanyang pagbabakasyon sa sariling beach resort sa El Nido, Palawan na namana mula sa kanyang pamilya, ginawa niyang audience ang anak na si Katie habang siya ay lumalakad ng paseksi.

Tubong Palawan si Katrina at ang kanyang pamilya ay nagmamay-ari ng isang beach resort.

Sa naturang bakasyon ay kasa-kasama ni Katrina ang kanyang baby na si Katie na tila tumayong kanyang audience habang nag-po-pose ng sexy at nagse-selfie. Isang larawan ang pinost ni Katrina na labis na kumuha ng atensyon ng netizen ang walang takot niyang pagpapa-sexy pose sa taas ng isang punong niyog. May kataasan ito na kung sakali man na magkamali si Katrina ay may chance na mabalian siya ng buto pag nalaglag.

Pero pose kung pose ang ginawa ni Katrina. Kaya nga ba hindi kataka-taka na ilang beses siyang nanalo sa FHM sexiest woman. Sa ngayon ay waiting pa si Katrina sa bago niyang gagawin teleserye sa Siyete pagkatapos ng “TODA One I Love” nila nina Kylie Padilla at Ruru Madrid.