HEART EVANGELISTA LUMABAS NG BANSA PARA MAKAHINGA SA KANYANG TRAHEDYA

BASE sa Instagram post ni Heart Evangelista ay nilayasan na nito ang ating bansa.

Ipinost ng actress ang larawan ng window ng airplane at may caption na, “Taking some time away to focus on work. Sometimes you have to leave to catch your breath a little. I feel so fortunate to have a job that allows me to do this. Thank you for being with me every step of the way…#lifewelltravelled#cathaypacific.”

Ipinost din ni Heart ang isang touching photo and message sa kanyang IG Story na kung saan may larawan ng isang ina na niyayakap ang kanyang sanggol na may caption, “I carry you in my heart.”

Matatandaan na nakunan si Heart sa kambal sana na anak nila ni Senator Chiz Escudero last May and June na talagang ininda at iniyakan nito.

Pagkatapos niyang sabihin that she lost the other twin last June 6, mahigit dalawang Linggo siyang nanahimik at balitang nasa bahay lang dahil dinaramdam pa rin niya ang pagkawala ng kambal na anak.

Last week lang siya nagdesisyon na rin magpakita sa social media sa kanyang IG Live para sabihin sa lahat na she is much better now. Inanunsiyo rin ni Heart na aalis siya ng bansa to take a breather at para makalimot sa masakit na pangyayari sa kanyang buhay.

RAYMART SANTIAGO LEADING MAN NI JUDAY SA COMEBACK TV SERYE

LUMABAS ang pa­ngalan ni Raymart Santiago na siya raw ang magiging leading man ni Judy Ann Santos sa comeback TV series nito na Starla?

Actually, wala pa kumpirmasyon pero bulung-bulungan na ito sa bakuran ng ABS-CBN na naunang lumabas na blind item.

Tikom pa rin naman ang bibig ni Raymart kung totoo na siya na nga ang magiging leading man ni Juday sa comeback TV series. Pero ayon sa source ay paborito nga raw si Raymart at kung totoo ay magpapaalam na siya sa GMA 7 na kung saan matagal rin siyang namalagi bilang isang Kapuso.

Maging ang kampo ni Juday ay wala pa rin naman kinukumpirma. Pero kung si Raymart na nga ang bagong leading man ni Juday at hindi na si Richard Yap ay may bagong career ito.

‘Di ba ma­ugong ang ba­lita noon na may tambalang Juday at Richard pero ‘di nga natuloy.  Tapos eto at matutuloy na ang project ni Juday pero si Raymart na ang kanyang leading man.

Kunsabagay mabuti na rin ito para kay Raymart dahil matagal-tagal na rin siyang walang ginagawang project sa Kapuso Network. At wala naman sigurong magiging problema kung magpaalam si Raymart sa network para gumawa ng series sa ABS-CBN.