LUMABAS sa pagdinig sa Senado na noong panahon nina dating Pangulong Gloria Macapagal Arroyo at dating Pangulong Fidel V Ramos ang may pinakamataas na target collection sa Bureau of Custom (BOC).
Sa naturang pagdinig, kinuwestiyon ni Blue Ribbon Committee Chairman Senador Richard Gordon si Deputy Collector for Passenger Service Atty. Maria Lourdes Mangaoang bilang matagal na sa serbisyo sa ahensiya kung sino-sino sa mga administrasyon ng mga naging pangulo ang nakakamit ng target collection ng Customs.
Agad namang sinagot ito ni Mangaoang na panahon nina dating Pangulong Gloria Macapagal Arroyo at dating Pangulong Fidel V. Ramos ang may pinakamalaking collection target sa BOC.
Sinabi pa ni Mangaoang na noong panahon naman ng dating Pangulong Benigno Noynoy Aquino ang halos walang koleksiyon dahil hindi prayoridad ito noon ng Pnoy administration.
Ibinulgar din ni Mangaoang sa pagdinig ang palakasan system sa Customs na kapag may padrino at may pera ay mabilis ang promosyon sa puwesto.
Inamin din niya na ang mga bitbit na tauhan ng mga naitalagang commissioner ng custom ang kadalasang mga gumagawa ng katiwalian sa ahensiya. VICKY CERVALES
Related posts:
MGA SUSPEK SA ILLEGAL SALE SA SEIZED ITEMS NG BOC TIMBOG
TRAVELERS MULING PINAALALAHANAN NG BOC
GADGETS NA GAMIT SA BLENDED LEARNING IDO-DONATE NG BOC
PARCEL SCAM IBINABALA NG BOC
IMPORTED ITEMS NASABAT NG BOC SA NAIA
BOC SA NAIA NAKAALERTO SA PAGDATING NG COVID-19
6 LUXURY CARS SINUBASTA NG BOC
(May dalang prohibited used oil) PAG-FORFEIT NG BOC SA BARGE KINATIGAN NG SC
Comments are closed.