HINDI PA SIKAT LAOS NA AGAD

MATINDI ang naging hatol ng pamunuan ng Pilipinas VisMin Super Cup sa mga walang respeto sa basketball sa ating bansa. Ito ay ang ginawa ng mga player ng Siquijor Mystics at ARQ Builders-Lapu Lapu City sa kanilang laro na naging mainit na usapin sa social media nitong Miyerkoles.

Matapos ang mahigit isang oras na pagpupulong at pag-review sa naturang laro na ipinalabas via livestream sa lahat ng social media account ng liga, kabilang na ang Facebook at YouTube, ipinataw ni league Chief Operations Officer Rocky Chan ang pagsibak sa Siquijor, gayundin sa mga player nito bunsod ng “disgraceful acts to the sport we love the most.”

Pinatalsik sa liga sina Joshua Alcober, Ryan Buenafe, Vincent Tangcay, Jan Penaflor, Gene Bellaza, Michael Calomot, Frederick Rodriguez, Jopet Quiro, Isagani Gooc, Miguel Castellano, Juan Aspiras, Peter Buenafe, at Michael Sereno, gayundin ang kanilang head coach na si Joel Palapal at buong coaching staff.

Pinatawan rin ng suspension at multa ang ilang players at coaching staff ng Lapu-Lapu City.

Suspendido sa buong season at pinatawan ng multang P15,000 si Rendell Senining, tumira sa free throw ng kaliwa’t kanan na kapwa sablay. Suspendido naman sa buong first round ng liga sina Hercules Tangkay, Reed Juntilla, Monbert Arong, Dawn Ochea, at Ferdinand Lusdoc, gayundin si head coach Francis Auquico. Pinagmulta rin angmga player ng tig-P15,000, habang P30,00 si Auquico.

Pinagmulta naman ng tig-P20,000 ang coaching staff ng Lapu-Laput na sina assistants Jerry Abuyabor, Alex Cainglet, John Carlo Nuyles, Hamilton Tundag, at Roger Justin Potpot.

“Itinayo namin ang liga na ito to provide a livelihood to players, coaches, utilities and other people behind. Sana ‘wag nating sirain because the sacrifice that we’ve made is not that easy,” sabi ni Chan.

“’Wag natin babuyin ang basketball na pinkamamahal ng Pinoy,” aniya.

Dismayado ang basketball community matapos mainit ang mainit na talakayan sa social media bunsod ng ginawa ng mga  player na dumudungis sa sports.

Sa mga sangkot na players, dapat lang tanggalan ng GAB ng lisensiya ang mga ito upang hindi na pamarisan ng iba.

Related posts:

PILIPINAS VISMIN SUPER CUP TITLE TARGET NG MJAS ZENITH TALISAY MINDANAO LEG NG VISMIN SUPER CUP SINUSPINDE NG GAB FIRST ROUND SWEEP TARGET NG TALISAY KAPIT SA IKA-2 PUWESTO PATATATAGIN NG MANDAUE ONE MORE CHANCE KAY SENINING CLARIN WALANG DUNGIS SA VISMIN CUP MINDA LEG BASILAN NAKAUNA SA MANDAUE ZAMBOANGA SIBUGAY KAMPEON SA CHOOKS-VISMIN MINDA CHALLENGE