CAMP CRAME – PINARANGALAN kahapon ng Philippine National Police (PNP) ang kanilang mga tauhan na hindi umatras sa mga nagsisugod na 50 miyembro ng New People’s Army (NPA) sa kanilang estasyon sa Victoria, Northern Samar.
Sa flag raising ceremony sa Camp Crame, ginawaran mismo ni PNP Chief General Oscar Albayalde ng Medalya ng Kadakilaan sina: Police Lt. Eladio G. Alo, Hepe ng Victoria Municipal Station; Pol. Chief Master Seargent’s Aimee Lutze Cadiente at Marlon Ordonia; Pol. Sr. Master Seargent Arturo Gordo Jr.; Pol. Master Seargent Arnold Cabacang; Pol. Staff Seargent’s Ramil Ramos, Raul Francisco Jr.; Brande Esquilon; Pol. Corporal’s Bryan Ed Penaflor; Jaykarl Laurio; Eddie Edwin Diaz; Tracy Silagan Jake Salesa; Patrolman’s Ronnel Goco; Marlon Estopagian; Errol Montopar; Geral Casyao at Jhonar Cris Bernadas.
Tumanggap din ng Medalya ng Sugatang Magiting sina Gordo at Cabacang makaraang magtamo ng sugat sa bakbakan.
Bukod dito bibigyan din ng spot promotion ang 18 pulis kabilang na ang isang babae.
Sinabi ni Albayalde, magandang halimbawa ang ipinakita ng mga pulis na kahit na dehado sa bilang ay lumaban at nanalo pa.
Kaya, naniniwala siya na malaking dagok sa NPA ang nangyari lalo pa at tatlo sa kanilang mga miyembro ang nasawi. REA SARMIENTO
Related posts:
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK
POLICE COLONEL AT 3 PA SIBAK SA KOTONG
BINILING PATROL JEEPS NG PNP PALPAK
KATANGI-TANGING PNP PERSONNEL PARARANGALAN NGAYON
Comments are closed.