MANGANGAILANGAN ang Bureau of Fisheries and Aquatic Resources (BFAR) ng P450 million sa susunod na taon upang bumili ng tatlong monitoring, control, and surveillance (MCS) vessels para matulungan ang mga mangingisda sa West Philippine Sea.
Ito ang ibinunyag ni BFAR Director Demosthenes Escoto sa pagdinig ng Senate Finance Committee sa panukalang P167 billion budget ng Department of Agriculture at ng attached agencies nito, kabilang ang BFAR.
Ayon kay Escoto, ang bawat MCS 50-meter vessel ay nagkakahalaga ng P150 million hanggangP200 million.
“We have 12 MCS vessels supplying fuel to our fishing vessels in West Philippine Sea area, but we have submitted a proposal for the refleeting of these vessels, considering that these vessels are already old. In fact, they were procured more than 15 years ago. Some are actually being repaired and some are not ready for sea,” sabi ni Escoto.
“We are proposing purchasing about three new [MCS] vessels, at least every other two years, so that probably in around 10 years, we will be able to complete a new set,”dagdag pa niya.
Ani Escoto, ang ganitong uri ng sasakyang dagat ay may kakayahang magsuplay ng fuel at maaari ring gamitin sa relief operations kapag may kalamidad.
Related posts:
(Publiko pinag-iingat ng BFAR) 5 LALAWIGAN POSITIBO SA RED TIDE
(Pinanatili ng BFAR) FISHING BAN SA OIL SPILL-HIT AREAS
(Publiko binalaan ng BFAR) 5 COASTAL AREAS POSITIBO SA RED TIDE
WALA NANG FISHING BAN SA ORIENTAL MINDORO
(Tinutulan ng NEDA chief) BOYKOT VS CHINESE FIRMS
7 LUGAR SA W. VISAYAS POSITIBO SA RED TIDE
PH SWAK SA WORLD’S TOP TUNA PRODUCERS
9 LUGAR POSITIBO SA RED TIDE