HIRIT NG MGA BIYUDA NG WAR VETS: MATAAS NA PENSIYON

HUMIHILING ng umento sa kanilang buwanang pensiyon ang mga biyuda ng mga beterano ng World War II.

Batay sa ulat, inihihirit ng mga biyuda ng war ve­terans sa pamahalaan na ga­wing P20,000 ang kasalukuyang P5,000 na kanilang buwanang pensiyon.

Ayon sa kanila, matagal nang hinintay ng kanilang mga yumaong asawa ang dagdag sa kanilang pensiyon hanggang sa nakamatayan na lamang nila ang mga ito.

Simula Enero 2019 ay nakatatanggap  na ng  P20,000 buwanang pensiyon ang mga beterano  makaraan itong isabatas ni Pangulong Duterte.

Iginiit naman ng mga biyuda ng mga beterano na kinakailangan nila ang umento sa pensiyon para sa gastos sa kanilang gamot.

Iniulat ng Philippine Ve­terans Affairs Office (PVAO)  na mayroon na lamang  128 surviving World War II ­veterans sa Bataan hanggang noong 2018 habang  noong 2017 ay 171 ang bilang ng mga ito.