BULACAN – DAHIL sa pinaigting na kampanya ng CIDG Intensified Anti-Criminality Operation (CIACO) nadakip ang isang lalaki na sangkot sa kasong robbery hold-up at gun running sa Marilao.
Sa report ni CIDG Provincial Officer, PMaj. Dan August Masangkay, kay CIDG-3 Regional Chief P/Col.Jess B Mendez, kinilala ang nadakip na suspek na si alyas Ayeng, 26-anyos ng Brgy. Longos Malabon City.
Base sa paunang imbestigasyon ni SPO4 Jayson dela Cruz, ganap na alas-12:45 ng hapon nang madakip ang suspek sa Letre, Malabon nito lamang Abril 30 2023.
Nabatid na si Ayeng, din ang isa sa mga suspek na kasama sa naganap na robbery sa isang milk tea house sa Brgy, Abangan Norte Marilao, nito lamang Enero kung saan natangay ang higit P700 na kita ng tinadahan.
Nakumpiska sa suspek ang isang cal.38 na baril.THONY ARCENAL