HOUSE AND LOT SA OLYMPICS MEDAL-WINNING BOXERS

MARAMI pang rewards ang naghihintay sa apat na Filipino medalists sa Tokyo Olympics, na tinampukan ang pinakamagandang Olympic finish ng bansa magmula nang lumahok sa quadrennial meet noong 1924.

Sa isang virtual press conference kahapon, inanunsiyo ni Philippine Olympic Committee (POC) President Bambol Tolentino na tatanggap ng karagdagang monetary incentives ang apat na Filipino Olympic medalists, na magmumula sa savings ng organisasyon.

Si weightlifter Hidilyn Diaz, na tinuldukan ang 97-taong paghihintay ng bansa para sa Olympic gold, ay tatanggap ng P3 million mula sa POC, habang sina silver medalists Carlo Paalam at Nesthy Petecio ay pagkakalooban ng P2 million, at si bronze medalist Eumir Marcial ay may P1 million.

Nangako rin si Tolentino na personal na magkakaloob ng house and lot sa Tagaytay kina Paalam, Petecio, at Marcial. Nauna na rin siyang nagbigay ng kaparehong pangako kay Diaz.

“All the boxing medalists will get a house and lot in Tagaytay. This is for them to share with their families,” sabi ni Tolentino.

Nasorpresa sina Paalam at Marcial sa anunsiyo ni Tolentino at masayang pinasalamatan ang POC chief para sa rewards.

“Sobrang saya namin, bigla akong napawisan,” ani Marcial.

“Malaking bagay po ito para sa akin at sa pamilya ko,” sabi naman ni Paalam.

Ang apat na Filipino Olympic medalists ay inaasahang tatanggap ng milyon-milyong monetary rewards mula sa pribadong sektor. Ang pamahalaan ay may mandatong magkaloob ng P10 million sa Olympic gold medalist, P5 million sa Olympic silver medalist, at P2 million sa Olympic bronze medalist.

Ang one gold-two silver-one bronze medal haul ng Pilipinas ang pinakamagandang performance ng bansa sa quadrennial meet sa loob ng 97 taon. Nahigitan nito ang tatlong bronze medals na nakolekta ng bansa sa 1932 Los Angeles Olympics.

Ang Pilipinas din ang best-performing Southeast Asian nation sa Tokyo Games. CLYDE MARIANO

Related posts:

(Ipinagkaloob ni RSA) CASH INCENTIVES, BIZ OPPORTUNITIES SA OLYMPIC WINNING BOXERS PINOY BOXERS SUSUNTOK NG GINTO SA SEA GAMES 7 PINOY BOXERS BIYAHENG JORDAN (Target ng Pinoy boxers) 3 PANG OLYMPIC SLOTS 2 PANG PINOY BOXERS PASOK SA TOKYO OLYMPICS OLYMPIC-BOUND PINOY BOXERS PUSPUSAN ANG TRAINING SA THAILAND (Dubai Asian Elite tourney) 4 BRONZES SA PINOY BOXERS OLYMPICS MEDAL-WINNING BOXERS PARARANGALAN SA KAMARA