INATASAN ni House Speaker Martin Romualdez ang PhilHealth na pag-aralan kung maaari nilang sagutin na rin ang gamot na ginagamit sa pagpapa-dialysis ng mga diabetic patients.
Ayon kay House Deputy Majority Floor leader Erwin Tulfo, ito ang nais ng mga mambabatas sa Kongreso para mabawasan o tuluyan nang malibre ang gamot ng mga may acute diabetes sa bansa.
“4.5 milyong Pilipino ang may diabetes at halos kalahati nito ang nagpapa-dialysis ng isa hanggang tatlong beses isang linggo”, ani Cong. Tulfo.
Dagdag pa ng ACT-CIS Representative, “umaabot ng P900 hanggang P1,500 ang injection pagkatapos ng dialysis session ng isang pasyente”.
Ayon kay Tulfo, “may instruction si Speaker Romualdez na pag-aralan agad ng PhilHealth kung papaano malibre o sagutin na lang nila ang gamot, totally”.
Maraming mga dialysis patients ang lumapit na kay Romualdez para hilingin na gawin na lang libre ang gamot o makakuha sila ng discount man lang.
“Sabi ni Speaker sa kanila naiintindihan nya ang bigat ng gastusin sa halos araw-araw ng pagpapa-dialysis”, ayon kay Tulfo.
Sa ngayon ay sinasagot na ng PhilHealth ang pagpapa-dialysis ng mga miyembro nito pero hindi pa kasama ang gamot.
Related posts:
Mas malaking sagutin sa bill at doctors’ fees ng Philhealth sa private admission nais ni Speaker Romualdez
PHILHEALTH COVID-19 RESPONSE KINILALA NG ASEAN SOCIAL SECURITY ASSOCIATION
ACT CIS OFFICE, DINADAGSA NG TAO DAHIL SA LIBRENG GAMOT
PHILHEALTH, NAKATUON SA PAKIKIPAGTULUNGAN SA MGA STAKEHOLDER PARA MAPABUTI ANG MGA SERBISYO – LEDESMA
5 POLICE ESCORTS NI DEGAMO, PAGPAPALIWANAGIN NI SPEAKER ROMUALDEZ
Emmanuel R. Ledesma, Jr., New President and CEO of PhilHealth
PhilHealth nanawagan laban sa mga malisyosong post sa social media
PHILHEALTH, NANAWAGAN LABAN SA DATA BREACH