Nakahandang maglabas muli ng pondo ang House of Representatives para sa mga lugar o distrito na nasasakupan ng mga miyembro nito na tinamaan ng Bagyong Pepito.
Ayon kay House Speaker Martin Romualdez, “Inaantay lang namin ang report ng aming mga miyembro at kung magkano ang pinsala sa kani-kanilang mga lugar para makapagpalabas ng pondo para sa mga biktima ng dumaang bagyo.”
“Of course yung pondo na ibibigay natin ay para doon sa pagkukumpuni ng mga nasirang bahay at siyempre yung para sa pangkain ng mga pamilya dahil maaring nawalan sila ng hanapbuhay dahil sa bagyo,” paliwanag ni Romualdez.
Inaasahan na ngayong Lunes ay magsusumite na ang mga miyembro ng Kongreso ng kanilang mga request for financial assistance para sa mga constituents nila mula sa mga lugar na dinaanan ng Bagyong Pepito.
Aniya, “We always anticipate na after every calamity may mga nangangailangan talaga ng tulong kaya nakahanda naman tayo para sa mga ganitong sitwasyon”. Ayon sa mga naunang balita, lubos na apektado ang Bicol region kung saan pumasok ang Bagyong Pepito noong weekend at nagdulot ng pinasala na naman doon.
Related posts:
RESPONSE TEAM NG DPWH SA STS ‘PEPITO’ HANDA NA
(Sinimulan na ng PNP) PREEMPTIVE EVACS SA HAZARD PRONE AREAS
(Apat na dam binuksan) 75K KATAO NASA 566 NA EVACUATION SITES
LOLO TODAS SA KAWAD NG KURYENTE
(Kamara nabahala) CYBER ATTACKS SA WEBSITES NG GOBYERNO
KAMARA INAPRUBAHAN ANG PHARMACEUTICAL BILL
P411-M TULONG PARA SA MGA BIKTIMA NI ‘KRISTINE’
BAGYONG PEPITO PAPASOK NA NG PAR