PUMALAG ang grupo ng mga titser sa posibilidad na maantala ang huling bugso ng kanilang dagdag na suweldo dahil nakabinbin pa rin ang pagpasa sa 2019 budget.
Inihayag ni Joselyn Martinez, national chairperson ng Act-Teacher’s Partylist na umaasa sila sa pamamagitan ng dagdag-sahod ay malalampasan nila ang mga pasanin sa araw-araw bunsod ng epekto ng tax reform law.
Hindi rin nakaligtas sa kanila ang hidwaan sa pagitan ng mga kongresista at ni Budget Secretary Benjamin Diokno na sinasabing isa sa mga dahilan ng pagkaantala ng 2019 budget.
Muling nanawagan ang mga guro kay Pangulong Rodrigo Duterte na ikonsidera ang pagtataas sa sahod ng mga public school teacher, pati na ang benepisyong natatanggap ng mga ito maliban pa sa Salary Standardization Law.
Matatandaan na sa Taong 2020 pa ang pangako ng Pangulo na magkaroon ng dagdag sa sahod sa public school teachers dahil marami pa umanong isasaayos sa salary system ng mga guro.
Related posts:
MGA GURO, IPINASASAMA SA COVID-19 VACCINATION PROGRAM
(Di makakuha ng teachers board exam) KAKULANGAN NG GURO NAKABABAHALA
(Sa pilot test ng limited face-to-face classes) BAKUNA SA MGA GURO MADALIIN
P100K SA GURONG HINIRANG BILANG 2021 OUTSTANDING FILIPINOS
GURO SA TIKTOK NAG-SORRY
(Magsisilbi sa halalan sa 2022) BAYAD SA MGA GURO HINILING NA TAASAN PA
KALIGTASAN NG MGA MAG-AARAL, GURO ITAGUYOD SA MULING PAGDAMI NG KASO NG COVID-19
(Palasyo kumpiyansa) SALARY HIKE SA TEACHERS
Comments are closed.