HUSAY NG SERBISYO NG MERALCO PINARANGALAN

Joe_take

UMARAW man o bumagyo, sa panahon ng sakuna, nasaksihan natin kung paano napananatili ng mga Pilipino at mga negosyo ang pagiging mapagmalasakit nito sa bayan. Katulad na lamang ng Manila Electric Company (Meralco) na kamakailan ay ginawaran ng parangal dahil sa husay nito sa serbisyo.

Bago matapos ang 2021 ay pinarangalan ang Meralco ng ASEAN Enterprise Innovation Awards ng Asia IoT Business Platform (AIBP) sa entry nitong “Transformation Powered by Technology and Tradition” na nagpakita ng mga programa na naglalayong paigtingin ang customer experience sa pamamagitan ng pagpapabuti ng serbisyo nito, mapa- tradisyunal man o digital.

Ilan na lamang dito ang mga inisyatibang Online Customer Appointment (OCA) at Virtual Customer Assistance (VCA) na naglalayong mapadali ang ugnayan sa pagitan ng Meralco at ng mga customer nito ukol sa mga tanong tungkol sa kanilang mga bill.

Lalo pa’t masyadong mapanganib ang sitwasyon sa bansa noong nakaraang taon dahil sa COVID-19, ang OCA at VCA ay naglalayon ding gawing ligtas at maginhawa ang pakikipag-usap sa mga business center dahil gamit na nito ang video conferencing, kung kaya hindi na kailangan ng mga customer na sumadya pa sa mga business center.

Sa pagbabayad naman, hindi na malilito ang mga customer  sapagkat inilunsad na ang bagong customer account number (CAN) na permanente nang magagamit para sa pagbabayad pati sa mga payment partner ng Meralco.

Tuloy rin sa pakikipag-ugnayan ang kompanya sa mga payment partners nito upang mapabilis ang posting ng kanilang bill payment.

Noong nakaraang taon, inilabas din ng Meralco ang bago at mas madaling basahing bill ng koryente na naglalayong maipaliwanag kung paano na-compute ang electricity bill ng mga customer.

Isa ring karagdagang feature nito ay ang historical consumption sa loob ng 24 na buwan, na mahalaga upang mas maikumpara ng mga customer ang kanilang buwanang konsumo sa ibang nakalipas na buwan.

Para naman mapadali ang pagbabasa ng metro ng koryente, inilunsad ng Meralco ang Meter Reading App na magagamit ng mga meter reader sa pag-optimize ng kanilang mga ruta at upang masiguradong tama ang mababasang konsumo ng koryente.

Mabilis na ring maipo-post ang bawat bayad sa koryente sa pamamagitan naman ng bagong lunsad na Real-Time Payment validation app. Sa pamamagitan ng app na ito, maiiwasan ang disconnection ng serbisyo dahil agarang nare-reflect ang bayad ng mga customer sa bills payment system ng Meralco.

Higit sa lahat, pormal na inilunsad ng Meralco ang bago nitong command and control center na tinawag na Operations Platform and Telecommunications Integrated Command Center o OPTIC, na itinuturing na state-of-the-art facility na nagsisilbi nang tagapangasiwa ng information, communications, and technology (ICT) systems sa lahat ng opisina ng Meralco.

Dahil sa OPTIC, ang Meralco ang pinakaunang distribyutor sa Pilipinas na ganap nang naging ‘digital’.

Gamit ang teknolohiya ng Artificial Intelligence (AI), inaasahang mapapababa ng Meralco ang mga insidente ng pagkakaroon ng hindi inaasahang downtime ng mga kritikal na sistema ng ICT. Makatutulong din ito upang mas maging produktibo ang mga empleyado at higit sa lahat, mas inaasahan na sa pamamagitan nito ay mas magiging mahusay pa ang serbisyo ng Meralco sa mga customer nito.

Bukod sa maaasahang serbisyo ng koryente, ang mga inisyatibang ito ang nagpatunay na hindi matatawaran ang pagiging mapagmalasakit ng kompanya. Napatunayan din ng Meralco na walang pandemya ang makakapigil sa kompanya upang gawin ang lahat ng pamamaraan para itaas ang kalidad ng serbisyo na nararapat lamang para sa mga customer.