HUSTISYA SIGAW NG PAMILYA SA KAPITAN NA PINASLANG

TARLAC – HUSTISYA ang isinisigaw ng mga kaanak at pamilya ng 71-anyos na pinaslang ng riding in criminal sa bayan ng Gerona.

Kasabay nito’y bubuo ng Special Investigation Task Force Group (STIG) ang Camp Maca­bulos PNP, kabilang dito ang Criminal Investigation and Detection Group, (CIDG) National Bureau of Investigation (NBI) upang mapadali ang pagtukoy at pag-aresto sa mga nasa likod ng pagpatay sa Brgy. Chairman ng Brgy. Salapungan ng nabanggit na bayan.

Sa inisyal na report ni PIB Chief  P/Lt. Col.Luis M Ventura Jr., at PNP Provincial Director P/Col. Jesus Rebua, tatlong anggulo ang posibleng dahi-lan ng pamamaril kay Kap. Cesar Mendoza Sr.

Ayon kay P/Captain Jim Tayag, posibleng anggulo ng politika, personal na away, at ang mahigpit na kampanya nito sa ilegal na droga.

Matatandaang Abril 19, 2019 ganap na alas-7:50 ng gabi ng paputukan ng hindi nakilalang armadong suspek na nakasuot ng jacket at face mask ang kapitan del barrio.

Nabatid na bago ang insidente ng pamamaril, kasalukuyang nagsu-supervise ang biktima sa kanilang brgy. electrician na si Regino Castillo y Mani-bo, 52, kasama ang chief  tanod  na si Albert Labuguen y Fernandez, 48-anyos.

Una nang isinugod sa pagamutan si Kapitan Medoza Sr. subalit idineklara itong dead on arrival sanhi ng tinamong tama ng bala ng baril sa katawan.   THONY ARCENAL