HYDRO POWER PLANT ITATAYO SA ISABELA

SISIMULAN  na   ang surveying para sa pagtatayo ng hydro power plant sa San Miguel, Echague, Isa­bela.

Lumagda sa Memorandum of Agreement  ang Rio Norte Hydro Power Corp. at pamahalaang panlalawigan ng Isabela at Echague Mayor Francis “Kiko” Dy at ilan ng opisyal.

Ang itatayong hydro  power plant ay may  19.17 mega watts run off river hydro power project at ­inaasahang magsusuplay ng  85 million kilo watts ng  enerhiya kada taon.

Posibleng mas mababa na ang singil sa kor­yente at mabebenipisyuhan ang lungsod ng Santiago: Cauayan, bayan ng Alicia, Cordon, San Mateo, Angadanan, Cabatuan, Jones, Ramon,  Reina Mercedes, San Agustin, Echague, San Isidro,  Luna at  ang  bayan ng  San Guillermo.

Tiniyak naman ni Project Manager Maximo Aton Jr. ng Rio Norte na hindi makakasama sa kalikasan ang nasabing  proyekto  dahil may binuo na silang forest management group para magtanim ng  mga puno  sa lugar.   R.  VELASCO