Si Carlos Yulo na lang lagi ang laman ng balita, e puro negative naman. Pansinin din natin ang isa pang Pinoy na nagdala rin ng karangalan sa bansa, si Juan Carlos “Uno” M. Profeta. Thirteen years old lang siya, pero champion na sa kategoryang Piano Solo Age Group Junior (Age 13 or under).
Ibinandera niya ang Pilipinas sa 2024 Fukuoka International Music Competition Finals na ginanap sa Fukuoka, Japan noong August 6, 2024.
Champion din siya sa online 2024 Fukuoka Preliminary Round na ginanap naman sa Hong Kong.
Bukod diyan, wagi rin siya sa International European Music Competition 2024 Hong Kong Region na ginanap rin sa Hong Kong noong March 17, 2024; gayundin sa AIMA International Music Competition 2023 (Piano Solo) na ginanap ng live sa Taiwan noong July 29, 2023.
Silver lang ang nakuha niya sa Singapore Raffles International Music Competition 2023 (Piano Solo) na ginanap sa Singapore last July 22-25, 2023, pero Grand Prize
Winner naman sa Red Maple Music Competition 2023 sa Canada.
O, Carlos din ito, piyanista lang nga. At hindi basta piyanista — piano wizard.
RLVN
