ICE SEGUERRA AT LIZA DINO MAS TUMINDI ANG BONDING DAHIL SA ECQ

DAHIL sa lockdown  sa halos lahat ng parte ng distrito ng Metro Manila ay mas lalong tumindi ang bonding ng mag-partner na sina Aiza Seguerra at FDCD Chairman Liza Dino.

Habang  abala si Liza sa mga relief goods na inihahanda para ipamahagi sa mga kababayan natin ay nandoon din si Aiza para tumulong at suportahan si Liza.

Sa  kanilang bonding sa kanilang tahanan ay naisipan ni Aiza na magpagupit ng buhok kay Liza.

Habang ginugupitan ng buhok si Aiza ay tawanan ang dalawa dahil halos makalbo na ang hair ni Aiza na bumagay naman sa singer/composer/TV host.

Marami nga ang nagulat sa bagong hairdo ni Aiza nang i-face up ang hitsura nito dahil naging kamukha niya ang mga anak ni Bossing Vic Sotto na sina Vico at Oyo Boy.

Sa  mga kababaihan naman ay naging kamukha niya si Maja Salvador at iba pang sikat na actress.

“Kahit  ECQ, tuloy pa rin si Liza sa trabaho kahit nasa bahay. Gigising nang  napakaaga, magtatrabaho yan tapos magluluto, tapos balik  sa  work, hanggang gabi na. Yan ang araw-araw niya.

“Kahit  hindi niya sinasabing pagod na siya, alam ko yung stress na nakukuha  mula sa buong araw. Tired her so much, kaya kapag yayakap na siya  sa akin para matulog.

“Ang sarap ng pakiramdam yung tipong   ayaw  mong gumalaw  kahit  naiihi ka  na para lang hindi  siya magising  kasi  kasarapan  na ng hilik,” mensahe ni Aiza.

Samantala,  tulad din ng ibang artista nakasuporta sa ating Pangulong Rodrigo Roa Duterte ay taas kamay pa rin ang ginagawang pagtulong nina Aiza at Liza sa Pangulo.

Pakiusap niya sa mga kapwa artista o ordinaryong mamamayan na suportahan ang Pangulo at tigilan na ang pagbatikos na wala naman maidudulot  na  tulong sa mga nangangailangan.

Sa halip na siraan at batikusin ang ginagawa ng Pangulo ay mag-isip kung ano ang maitutulong nila sa panahon ng nangangailangan ng tulong ang mga kababayan natin.