MASUSING pinag-aaralan ng administrasyon ni Ferdinand R. Marcos Jr. ang mga paraan kung paano gamitin ang idle government lands para sa mga disenteng proyektong pabahay para sa mga Pilipino, batay sa mga umiiral na batas.
“Sa ngayon, patuloy namang nagsisikap ang ating pamahalaan upang mas marami pa tayong maipapatayo na mga pabahay para sa ating mga minamahal na kababayan,” sabi ni Pangulong Ferdinand R. Marcos Jr. noong Lunes sa groundbreaking ng Disiplina Village sa Arkong Bato Park sa Valenzuela City.
“Patuloy nating pinag-aaralan kung paano isasagawa ang pagtukoy at paggamit sa mga bakanteng lupa ng gobyerno na maaaring tayuan ng mga pabahay, ayon sa ating mga batas at alituntunin,” diin ng Chief Executive.
Ang shelter initiative sa Valenzuela City ay isang magandang halimbawa ng pagsisikap ng gobyerno sa pagbibigay sa mga tao ng disente at abot-kayang pabahay, sabi ni Pangulong Marcos, habang nanawagan siya sa lahat ng stakeholder na ipagpatuloy ang pagtatayo ng de-kalidad at abot-kayang bahay para sa mga tao.
Nais din ng Pangulo na tiyakin na ang mga residenteng uupa sa mga housing unit na iyon ay dapat magkaroon ng sapat na pagkakataon para sa pagkukunan ng kabuhayan gamit ang kanilang mga talento at kakayahan.
“Mahalagang makipagtulungan sa iba pang mga ahensya ng gobyerno at pribadong sektor upang maisakatuparan ang ating mga kolektibong hangarin,” sabi ni Pangulong Marcos.
“Gayundin, tiyakin natin na ang ating mga gusali ay matatag gamit ang kalidad at matibay na materyales,” ayon sa President.
Ang Disiplina Villages ay mga kumpletong komunidad na nagbibigay sa mga residente ng access sa mga paaralan, health center at mga serbisyo ng gobyerno sa pamamagitan ng annex ng city hall.
Ang pamahalaan ng Valenzuela City at ang mga benepisyaryo ng Disiplina Villages ay pumasok sa isang Home Space Agreement, na naglalayong itanim ang disiplina sa mga residente sa pagpapanatili ng kanilang mga tahanan at komunidad.
Ang ikaapat na Disiplina Village ay itatayo sa isang 2.07-ektaryang lupain sa Barangay Arkong Bato, Valenzuela City, kung saan may kabuuang 20 limang palapag na gusali para sa 1,200 informal settler families (ISFs), na nakatira sa tabi ng Tullahan River at Manila Bay, ay itatayo bilang suporta sa Build Better More Housing Program ng administrasyon.
Ang unang tatlong Disiplina Village ay itinayo sa Barangay Ugong, Bignay at Lingunan, Valenzuela City.
Ang unang dalawang nayon sa Ugong at Bignay ay itinayo para sa mga ISF na naapektuhan ng Bagyong Ondoy noong 2009, na naging unang dalawang in-city relocation site at mga pampublikong paupahang proyekto para sa mga ISF sa bansa.
Sa kabuuang 12.9 ektarya, ang Disiplina Villages sa Ugong at Bignay ay kayang tumanggap ng higit sa 4,500 ISF na dating nakatira sa mga danger zone.
Ang ikatlong in-city resettlement site ay sa Barangay Lingunan. Noong Oktubre 2020, inilipat ng pamahalaang lungsod ang 164 na pamilya sa resettlement site.