MULING isinulong ng Presidential Communications Operations Office (PCOO) ang pagtitiyak sa seguridad, proteksiyon at benepisyo para sa mga manggagawa sa media industry sa gitna na rin ng pakikipaglaban ng bansa sa coronavirus disease 2019 (COVID-19) pandemic.
Kaugnay nito ay muling nanawagan si PCOO Undersecretary Joel Egco sa Kongreso na ipasa na ang panukalang Media Workers’ Welfare Act.
Ayon kay Egco, sa kabila ng panganib na dala ng COVID-19 pandemic sa bansa ay patuloy pa rin sa pagtatrabaho ang mga taga-media para magampanan ang kanilang tungkulin na maghatid ng balita.
Iginiit ni Egco na ito ang panahon na makikita ang pangangailangan para sa pagpasa ng batas na tutugon sa pangangailangang seguridad at titiyak sa kalagayan ng mga media worker.
Sa ilalim ng House Bill 2746 o ang Media Workers’ Act, pagkakalooban ng mandatory additional insurance benefits ang mga media worker sa pamamagitan ng SSS at GSIS, death at disability benefits at reimbursement sa medical expenses. DWIZ 882
Related posts:
P20K- P60K MINIMUM WAGE ISINUSULONG PARA SA MEDIA WORKERS
(Ipinatupad ng Pagcor sa gitna ng banta ng COVID-19) NO-CONTACT APPLICATION POLICY
P20K AYUDA SA OFWs
DOH NO SA NATIONWIDE MALL SALE DAHIL SA BANTA NG COVID-19
7K JOB CUTS DAHIL SA COVID-19
MAHIRAP TIBAGIN ANG PAMAHALAANG POPULAR SA PUBLIKO
(Apektado ng COVID-19 sa China) FOREIGN FIRMS INTERESADO SA PINAS
(Dahil sa banta ng COVID-19) 20 FIRMS TIGIL-OPS