(Iginiit sa IATF) VACCINE PASSPORT SA OFWS

IGINIIT ni Senador Panfilo Lacson ang pag-kakaroon ng vaccine passport para sa umuuwing overseas Filipino workers (OFWs).

Ayon sa senador, hindi na dapat maabala ang paggalaw ng mga umuuwing  OFW at mga dayuhang negosyante na ganap nang bakunado sa mga bansang pinanggalingan kaya dapat na magkaroon ng vaccine passport.

Ginawa ng senador ang pahayag makaraang dumagsa ang  reklamo ng mga pumapasok sa bansa bunga ng napakahigpit pa ring protocol na ipinatutupad ng mga awtoridad kahit pa sa mga kumpleto na ang bakuna laban sa COVID-19 sa mga bansang pinag-mulan.

Ayon kay Lacson, dahil sa polisiyang ito ay nagdadalawang-isip na umuwi ang maraming OFWs kahit pa napakahalaga ng pakay nila, bunga na rin ng matagal na pagkakatengga bago makarating sa patutunguhan batay sa umiiral na protocols.

“For our returning OFWs, at most, we might require them to take a swab test then allow them to go home, then require them to stay at home for 10 days. No need to require them to stay at a hotel. Most of the time, OFWs return to the country because of an emergency. But if you are an OFW and you are required to be quarantined for 10 days, how many days of your leave will go to waste? I don’t think that makes sense,” sabi ni Lacson sa panayam ng ANC.

Ganito rin, aniya, ang sitwasyon ng mga dayuhang gustong maglagak ng puhunan sa bansa.

“Also, our tourism sector and investment will suffer. If a potential investor who would like to come here learns of the requirements that include a swab test and stay at a quarantine facility not of his or her choice, would he or she still come?” dagdag ni Lacson.

Dahil dito ay hinikayat ng mambabatas ang Inter-Agency Task Force for the Management of Emerging Infectious Diseases (IATF) na itono nang maayos ang mga pinaiiral na protocol batay sa mga bansang pinanggalingan upang hindi na maabala pa ang mga dumarating sa Filipinas.

Bukod dito, iginiit ng senador na dapat nang bigyan ng kalayaan ang mga pinuno ng mga lokal na pamahalaan na ipatupad ang sistema laban sa COVID-19 batay sa sitwasyong personal na nakikita at karanasan ng mga ito.

Kabilang sa mga binanggit ni Lacson ay ang pagbabakuna sa A4 sector kung saan may mga sitwasyong hindi umano pinapayagan na maturukan ang mga edad na nasa mahigit 39 dahil ang limitasyon ay 40-anyos.

“Perhaps our regulations should be a bit open-ended instead of being too restrictive, to allow those on the ground to make decisions,” apela ng mambabatas. LIZA SORIANO

Related posts:

60K OFWs NATURUKAN NA NG COVID VACCINE (Travel ban aalisin na) 3K OFWS BALIK NA SA HONG KONG (Sa gitna ng bagong COVID-19 quarantine guidelines) 817K OFWs NAKAUWI NA CHARTERED FLIGHT NG OFWs SA BEIRUT PUNO NA (Naiuwi na mula Saudi) 267 OFWs NASAWI SA COVID-19 6 PANG OFWs POSITIBO SA COVID-19 P1B EDUC ASSISTANCE NG DOLE SA ANAK NG OFWs 3 OFWs NAKA-RECOVER SA COVID-19